ايه هو التقني؟!

 هو سنتين كل سنه عبارة عن تلاته ترم وبيقبل من معهد فني تمريض ومعهد فني صحي شعبة تمريض ومعهد فني تمريض أزهر

اول سنه بتبقى دراسه عامه والسنه التانيه كل واحد بيدرس تخصص معين يا إما تخصص المستشفى الي انت متوظف فيها لو شغال في مستشفى تخصصي ذي الكلى او الأطفال او لو شغال في مستشفى مراكز بتختار انت التخصص

.

طب ايه هي تخصصاته؟!

التخصصات بتفرق من جامعه لتانيه ممكن تلاقي أقسام مش موجوده في جامعتك بس موجودة في جامعات تانيه والعكس

التخصصات بتبقى تمريض نسا و أطفال ورعاية حرجه وطوارئ وغيرهم

.

طيب إيه الفرق بينه وبين الكليه؟!

اولا التقني بتبقى بكالوريوس  يعني مؤهل عالي المسمى بتاعه بكالريوس تقني او تكنولوجي تمريض وبتكون على درجه أخصائي بس في تخصص معين يعني أخصائي تقني تمريض نسا او أخصائي تقني تمريض أطفال وهكذا

إنما خريج الكليه يبقى أخصائي علوم تمريض يعني دارس كل التخصصات يعني بالعربي التقني اخصائي تمريض في حاجه معينه إنما الكليه بتاعه كله

والتخصص دا كان نظام موجود في الكليه زمان واتلغي

طيب هل التقني معترف بيه؟

..

في مصر اه اعتمد من المركز الإداري وليه زمالة كمان وبره دول اعترفت بيه زي ألمانيا والإمارات

طيب إيه شروط الالتحاق بالتقني؟!

اولا ودي اهم حاجه انك تجيب موافقه من جه العمل أو المستشفى الي انت شغال فيها انها بتوافق على تسويتك بدرجه البكالوريوس

تاني جاحه انك تجيب شهادة حسن سير وسلوك من المستشفى

تالت حاجه انك تكون تقدير جيد

.

طيب احنا بنقدم لتقني امتى؟!

بتقدم ما تخلص الامتياز وتستلم الوظيفه

..

طيب في تأجيل لجيش؟!

لا من شروطه موقف التجنيد يعني الشباب هياخدو جيشهم الأول وبعدين يقدموا

..

 هو بكام؟!

كل جامعه وليها سعر بس عموما بيتراوح مابين ١٥ ل٢٠ الف لسنتين وبيدفعوا على أقساط يعني كل ترم بتدفع مبلغ

..

هل ليا الحق ان اخد بكالريوس مكثف تمريض بعد التقني؟!

أه طبعا لأنك وقتها بتبقى بتبقى مؤهل عالي وشرط الالتحاق بالبكالريوس المكثف انك تكون مؤهل عالي لكن على أرض الواقع لسا متنفذش

..

طيب هدفع ٥٠ الف في السنه و مبالغ كبيره ذي الي بيدفعوها؟!

لاء طبعا بتدفع مبلغ اقل تقريبا ١٥ ألف في السنه

..

 إيه هي عيوب التقني؟

عيوبه انك لازم تقدم موافقه من جهة العمل أو المستشفى الي انت شغال فيها عشان تاخده ولو المستشفى موفقتش مش هيبقى ليك الحق انك تقدم

..

هو معترف بيه برا مصر؟!

في بعض المستشفيات في الوطن العربي بتشغل ممرضي التقني بس مفيش قرار رسمي نزل بالاعتراف بيه دوليا

..

طيب الأهم بقى هل ليهم الحق انهم يمسكوا إشراف؟!

ليهم الاولوية عن طلاب المعاهد انهم يمسكوا إشراف لكن مش ذي خريج الكلية